KORPORATİV SOSİAL MƏSULİYYƏT

Dörd il əvvəl, sosial fəaliyyətimizin davamiyyətini artırmaq məqsədilə Azərbaycanda Rotari Klubların sponsoru və layihə partnyoru olmaq qərarına gəldik. Bakı Beynəlxalq Rotari və Bakı Xəzər Rotari Klubları tərəfindən hər il həyata keçirilən RYLA layihəsinin sponsoru olmaqla yanaşı Triton Consulting bu layihənin təşkil olunmasında da hər zaman öz dəstəyini nümayiş etdirir. Hər il, müsahibə əsasında 15-i qız və 15-i oğlan olmaqla 30 tələbə klub heyəti və işçilərimiz tərəfindən müsahibə edildikdən sonra klubda iştirak etmək üçün seçilir.

Beynəlxalq Uşaqlar günündə şirkətimiz Saray 7 saylı əqli və fiziki qüsurlu uşaqlar üçün internat evinə ziyarət etmişdir. Rotari tərəfindən təşkil edilən layihənin sponsoru olaraq Triton Consulting Bayram günü sevimli uşaqları ləziz təamlarla sevindirmişdir.

Rotari Klubla birgə Azərbaycan, Bakı, Qala kəndində 216 saylı məktəbdə 3 konteyner tip sinif otaqlarının yerləşdirilməsi və istifadəsini təşkil etmişik. Bu gün təqribən 100 şagird həmin məktəblərdə təhsil alır. Bizim şirkət heyəti mütəmadi olaraq bu məktəbi ziyarət edir və ehtiyac olduqda, lazımi dəstəyi təmin edir.